الشروط وسياسة الخصوصية

آخر تحديث: أكتوبر 2026

من نحن

فيكارو خدمة في الرياض تسوي للمطاعم والكافيهات مواقع طلبات خاصة فيها، مع لوحة تحكم لاستقبال الطلبات وإدارتها.

الخدمة

• نجهّز للمحل موقع طلبات ولوحة تحكم، ونستضيفها ونحدّثها طول فترة الاشتراك.
• المحل هو اللي يحدد أسعاره وأصنافه وأوقات دوامه، وهو المسؤول عن صحتها وعن جودة الطلب وتوصيله.
• نسعى إن الخدمة تشتغل طول الوقت، بس ممكن تتوقف أحياناً لصيانة أو لعطل عند مزوّدي الخدمة. وفي هالحالة يقدر الزبون يطلب من المحل مباشرة على واتساب.

الاشتراك والدفع

• الاشتراك شهري أو سنوي حسب الباقة المتفق عليها، ويُدفع مقدّماً.
• ما ناخذ أي نسبة أو عمولة على طلبات المحل.
• يقدر المحل يلغي الاشتراك وقت ما يبي، ويستمر الموقع لين نهاية الفترة المدفوعة. وما فيه استرداد للفترة اللي بدأت.
• إذا تأخر الدفع، ممكن نوقف الموقع مؤقتاً لين يتجدد الاشتراك. وبيانات المحل تبقى محفوظة.

الدفع الأونلاين

• الدفع الأونلاين يتم عن طريق حساب المحل الخاص في بوابة الدفع (ميسّر)، والفلوس تروح لحساب المحل مباشرة. فيكارو ما تستلم ولا تحتفظ بفلوس الطلبات.
• بيانات البطاقات يدخلها الزبون في نموذج بوابة الدفع، وما تمر علينا ولا نحفظها.

الخصوصية: وش البيانات اللي نجمعها؟

لما الزبون يطلب، نحفظ البيانات اللازمة لتنفيذ طلبه بس:

• الاسم ورقم الجوال.
• عنوان التوصيل أو وصف السيارة، وأي ملاحظات يكتبها.
• تفاصيل الطلب والمبلغ وطريقة الدفع ووقت الطلب.

وش نسوي فيها؟

• نستخدمها عشان يوصل الطلب للمحل، ويتواصل المحل مع الزبون، ويتابع الزبون حالة طلبه.
• يشوفها المحل اللي طلب منه الزبون فقط، وفريق فيكارو عند الحاجة للدعم الفني.
• ما نبيعها، وما نشاركها مع أي جهة للتسويق.
• البيانات محفوظة على خدمات Google Firebase في مركز البيانات بالدمام، مع قواعد حماية تمنع أي أحد غير المحل من قراءة طلباته.

حقوقك

تقدر تطلب نسخة من بياناتك أو حذفها، عن طريق المحل اللي طلبت منه أو بالتواصل معنا على واتساب.

التواصل

لأي سؤال عن هالشروط أو عن بياناتك: راسلنا على واتساب.